Mikro, kiçik və orta biznes nümayəndələrindən olan müştərilərimizin nəzərinə:
-
Bildiyiniz kimi, Kiçik və Orta Biznesin İnkişafı Agentliyi (KOBİA) özəl sektor ilə
əməkdaşlıqda KOB İnkişaf Mərkəzləri yaratmağa başlamışdır. KOB İnkişaf
Mərkəzləri KOB-lara və yeni biznesə başlayanlara öz bizneslərini inkişaf etdirmək
üçün təlim, məsləhət və şəbəkələşmə xidmətləri təqdim edir və onları əməkdaşlığa
dəvət edir.
Azərbaycan Banklar Assosiasiyasının (ABA) törəmə qurumu olan Azərbaycan
Bank Tədris Mərkəzi (ABTC) 25 sentyabr 2020-ci ildə açılmış Bakı KOB İnkişaf
Mərkəzinin (KOBİM) operatorudur. Bakı KOBİM tərəfindən mikro, kiçik və orta
biznes nümayəndələrinə, startuplara və ölkədə sahibkarlıq subyekti olaraq fəaliyyət
göstərmək istəyən hər bir vətəndaşa, bankların MKOB müştərilərinə ödənişsiz
xidmətlər (təlim, məsləhət və şəbəkələşmə) təqdim ediləcəkdir.
Azərbaycan Banklar Assosiyasiyası və Kiçik və Orta Biznesin İnkişafı
Agentliyinin Bakı KOB İnkişaf Mərkəzi arasında mövcud əməkdaşlıq çərçivəsində
bankların mikro, kiçik və orta biznes nümayəndələrindən olan müştəriləri üçün
aylıq təlimlər keçirilir. Təlimlər bankların müştəriləri üçün ödənişsizdir.
